注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

一啲語言(2010.9.2)  

2010-04-18 11:25:07|  分类: 千色塵世 |  标签: |举报 |字号 订阅

  下载LOFTER 我的照片书  |

自從俾Nogard 質疑我講嘅兩個詞都唔算俚語之後,我就好執著想去搞清楚,究竟點先為之係俚語...未果...

不過發現有啲嘢都幾有趣,可以諗起就記低咁收集起嚟.

呢啲稱呼,可能由細聽到大: 高佬泉,肥仔聰,蛇王彪(標),喪彪(標),彪(標)叔,蛇仔明,孱仔明,肥鵬(彭),姣婆珍,豬頭炳,豬肉榮,賣魚勝,奸人堅

根據詹伯慧<廣州話正音字典>,粵語拼音表如下.
聲母
b 波   p 破   m 摩   f 科   d 多   t 拖   n 挪   l 羅   dz 支   ts 雌  
s 思   j 衣   g 家   k 卡   h 哈   ng 牙   gw 瓜   kw 夸   w 蛙
韻母,加括號的只取其韻母
aa 椏   aai 挨   aau 坳   aam(三)   aan(山)   aang(盲)   aap 鴨  
aat 壓   aak 軛   ai 哎   au 歐   am 庵   an(分)   ang(盟)   ap(急)  
at(不)   ak 厄
e(爹)   ei(你)   eng(贏)   ek(尺)
oe(靴)   oey(居)   oen(津)   oeng(香)   oet(卒)   oek(腳)
o 柯   oi 愛   ou 澳   on 安   ong 桑   ot(渴)   ok 惡
i 衣   iu 腰   im 豔   in 燕   ing 英   ip 葉   it 熱   ik(式)
u 烏   ui(杯)   un 碗   ung 瓮   ut(闊)   uk 屋
y 于   yn 冤   yt 月
m 唔   ng 吳
聲調
1   陰平   分   fan1
2   陰上   粉   fan2
3   陰去   訓   fan3
4   陽平   焚   fan4
5   陽上   憤   fan5
6   陽去   份   fan6
7   陰入   忽   fat7
8   中入   發   faat8
9   陽入   佛   fat9


一些正字.以下順序是: 正字   廣州音   sogou輸入法拼音   例子
(根據詹伯慧主編的<廣州話正音字典>)
噉   gam2   dan   "~樣?~點算啊?"
咁   gam3   gan   "~好?~搞笑?"
冚   kam2   kan   "天氣涼,記得~被."
冚唪唥   (ham6 baang6 laang6) (kan feng lang)   "你哋~~~同我收聲!"
揦   laa2   la   "咪用手~啦!用筷子夾!"   "煲粥前,啲米最好用鹽~佢一下."
揇   naam3   nan   "支筆大概一~咁長."
捵   din2   chen   "~床~席."
撣   daan6   dan   "你件衫上面有隻蟲,快啲~走佢啦!"
掹   mang3   meng   "~貓尾."
揞   am2   an   "有啲乜嘢衰嘢都~埋曬,唔俾人知道."
摙   lin2   lian   "你咪咁大力~我條手臂啦,好痛啊!"
掯   kang3   ken   "哇,啲酒好~!我飲唔落!"
掅   tsing3   qing   "咁輕,一隻手都可以~佢起身啦!"
掟   deng3   ding   "~石仔."
捽   dzoet7   zuo   "~老泥."
擳   dzit7   jie   "~牙膏."   "你~到我好痕."
搲   waa2   wa   "俾隻貓~損塊面."
搲   we2   wa   "~銀."
瀄   dzit7   zhi   "~起曬啲水."
噏   ngap7   xi   "隨口~當秘笈."
唞   tau2   dou   "你攰就~下啦."
抌   dam2   shen  "~心口."   "唔好隨地~垃圾."
扻   ham2   zhi   "~頭埋墻."
扲   ngam4   qin   "賊仔~荷包."
掗   ngaa4   ya   "~手~腳."
揼   dam1   beng   "~時間."
耷   dap7   da   "~頭~腦."  (2010.8.13)
哽   ang2   geng   "你講啲嘢好~耳."
鯁   kang2   geng    "食魚~骨."
罨   ap7   yan   "~生草藥."
淤   jy2   yu   "認錯人好~啊!"
弗   fik7   fu   "一~馬鞭."
惜   sek8   xi   "~一啖!" (個人覺得呢個字唔多習慣用...一般都係用"錫"...)
擏   geng6   jing   "要命自己~"
禁   kam1   jin   "呢對鞋好~著!"
閂   saan1   shuan   "瞓覺之前要~好門."
拃   dzaa6   zha   "一~花生."
嚡   haai4   hai   "你對手好~."
蝦   haa1   蝦   "你咪~我啊,我話俾老師知!"
(2010.8.28)
貢   gung3   gong   "周身郁郁~."
揗   tan4   xun   "震~~,開心心,羅拔臣!" "~雞."
擙   ou1   ao   "唔好~咁出啊,小心住跌落去."
攋   laai6   lai   "大家執好嘢,唔好~低喺度."
擸   laap8   la   "~曬呢度所有嘢,唔好執輸."  "~下眼,覺得呢個人幾靚."
撍   tsim4   qian   "~烏龜."
撳   gam6   qin   "如實驗室~緊急掣."
摵   tsik7   she   "佢~住一袋嘢."
埞   deng6   di   "冇~企."
噒   loen1   lian   "~骨頭."
噃   bo3   bo   "你記得話俾佢聽~!"
噆   tsam3   zan   "妳咪咁~氣啦!" 
(2010.9.2)

你又知唔知下面嘅詞係咩意思? (呢度用咗粵語注音方法,加雙引號嘅字僅為同音,唔一定就係原字;加括號嘅字,通常由兩個字標注一個字嘅讀音,前一個字貢獻聲母,後一個字貢獻韻母同聲調,例如:(何變),發音就係"欠";而要標注一個詞語,就如(何變)(變醒),即係"欠炳"...如果實在搵唔到第二個字可以同時貢獻出韻母同音調,咁就用三個字嚟注音,例如:(大臘格),發音就係"搭".當括號中衹有一個字嘅時候,表示用呢個字嘅韻母同音調發音.例如(窖),發音就係"拗".)
(了寫)(何瀉)   "今朝好趕,搞到我鬼咁~~."
(了得)(確得)   "佢甩啞,講嘢非常~~."
(林禁)(確審)   "佢俾人裝~~,俾人陷害得好慘." (2010.5.30修改,呢個係粵語論壇解釋,感覺比較可靠.)
"林""審"   "搬屋啦,啲~~嘢就唔好要啦."
撈粗嘢   "佢最中意食埋曬啲~~~,咩魚眼啊,鴨腎啊,雞屎忽咁佢都中意"(同樣係我阿媽嘅理解...要搵例句嘅話自己去聽許冠傑首<天才與白癡>)
"景"(炯等)   "呢件案雖然結咗案,但我覺得其中有啲~~,你再去追查一下."
"騎"(離蛇)   "周星馳演嘅角色多數都好~~."
(何瀉)/(科瀉)   "今日冇嘢做,成日喺屋企~."
(咋拿)(咋拿)"林"   "~~~啦! 火車開噶啦!"
(何啫甜)(何啫甜)聲   "佢今日做嘢~~~好似滾水淥腳咁."
(了鄭甜)(確鄭甜)   "聽講呢隻藥好~~,你病咗咁耐都未好,不如試下."
花(靚廰)(確廰)   "嗰個正一~~~嚟噶,妳唔好癡埋佢度啊,唔係盞俾人呃."
(了蕭)(了崩)   "呢件衫賣¥101.1,非常~~."
(了野)(飛野)   "佢呢個人好~~,成日都唔剃鬚,又著鞋唔著襪."
(了崩)(確崩)   "食飯食到半~~,突然一個電話打過嚟,就要趕出去做嘢."
(了歌)"柚"   "你~~尖噶? 成日都坐唔定."
輕(確廳甜)   "你條大陣啱啱整親好翻,就揀啲~~嘢做啦,唔好做啲咁粗重嘅嘢啦."
(飛勁)   "你綁翻好條褲頭帶啦,~嚟~去好肉酸啊."
"墟""憾"   "嗰邊發生咩事啊?咁多人圍住咁~~嘅?"
圓(打林)(打啫甜)   "~~~啊乜傢伙啊? 睇真啲啊似菠蘿."
"熬"框   "呢個單車轆~~嘅! 肯定係受力過重啦!"
(門訓)"水"   "今次考試點啊?" "好~~,可能唔得噶啦."
(門梗)   "你咁~,俾啲屎蟲乾你食就啱噶啦!"
"啦""更"   "你屋企有冇養貓狗?" "我屋企養咗棵蘆薈." "狗唔搭鴨...都唔~~嘅..."
(確啫甜)   "你隻手咗傷啊? 做乜~曬嘅?"
"啤"   "佢都打橫嚟嘅! 真係嬲到我~一聲!"
(剩更)   "你咪鬼日~夜~啦,好煩啊...有乜問題應該諗辦法去解決,而唔係喺度~."
發(偶壽)"竇"   "好鬼無聊,日日喺度~~~."
(夠)   "最近天氣比較潮濕,啲嘢好容易~到發毛."
(飲覽)   "肯德基話油炸點心~啲糖好食啲."
(急)   "回南天,啲衫唔乾,有陣~味."
(歸)   "你點~都冇用噶啦,我話咗唔得就係唔得."
(了啫史)   "我都話唔得咯...你~地都冇用噶啦."
(了矛)(剩矛)   "呢個人做嘢非常~~,成日做啲唔做啲,信唔過."
(了搞)(高貌)   "哇...我出咗去幾日,乜間屋咁~~噶...你哋自己唔識執屋噶?"
(了抹)   "唔使~,有我喺度,冇事嘅!"
(了枪)   "你好~啊! 着鞋唔着袜!"
(格支)(格密)   "你唔好再~~啦,快啲話我知發生咗咩事!"
"擠"   "你將啲嘢~喺度先啦,我遲下再攞走."
(要蟻)   "啲細孥仔通常都好~."
(馬格)   "~大喉嚨大聲喊."
(梗)   "張床唔平,瞓覺~住好唔舒服."
(打及)   "你咪鬼咁囂,因住俾人~鑊甘..."
"浪"   "以前啲BB 多數多係著開~褲,邊有尿片呢啲咁高級嘅嘢啊~"
(打審)   "Ribery 歐冠決賽冇得上,拜仁輸波,咁就叫~心口啦." (2010.5.23)
(林)"沉"    "你咪咁~~啦,好煩啊..."
(林)   "佢伸手入懷~下~下,突然~咗個榴槤出嚟..." (2010.5.25)
(急)(打急)   "間屋咁細間,好~~."
"兜""踎"   "幾年冇見,乜搞到咁~~要喺公園捱飯盒啊?" (2010.5.27)
"格""涉"   "嗰間飯店喺啲橫街窄巷入面,好難搵,非常~~."
"符"(符必)   "我完全冇辦法啦,你有乜~~,講出嚟討論下."
"符"   "呢個人十分難搞,我都冇曬佢~"
"扇"   "呢條友咁囂屎,諗辦法~佢一鑊,睇下佢仲囂唔囂."
"串"   "細孥,人仔細細,唔好咁~好喔."
"柯"(格餓)   "你做嘢咪咁~~啦,爽手啲得唔得?"
(納及)"糯"   "你再咁~~就趕唔切飛機噶啦."(2010.5.30)
(捐奪)   "一~蓮藕."
(格必)/(支必)   "你咪~我啦,好痕..."
"戳"   "你~下佢,睇下攞唔攞到咩料."
(2010.6.7)

"興"    "你唔好咁~啦,冷靜啲,聽我解釋."
"琴""青"/"喉""琴"   "你唔好咁~~啦,慢慢嚟." (2010.6.9)
(打訓)   "條路好爛,坐車好~."
(打禁)   "~波鐘,即係入波領先之後慢慢踢,拖時間."  "~雞,例如上班唔做嘢,出工唔出力,日日都喺度捱時間,就叫做~雞."
(哥羅)"濟"   "去度假,有得食有得玩,非常~~." (2010.6.13)
"蛇"(瓜爹)   "唔好咁~~啦,放膽去做!"
"漏"(巴舊)   "呢個人做事情好~~,靠唔住."
(確啫甜)   "你隻手廢咗啊? ~曬嘅?" (2010.6.17)
"甩""質"   "今屆世界杯啲門將都好~~,成日都接波甩手."
"論""盡"   "人老咗就~~嘎啦."
"詐""諦"   "你咪~~啦,我知道你冇病,唔好扮曬嘢."
唔"嗲"唔"吊"   "你唔好~~~~啊,快啲搵翻份工." (2010.6.18)
(了凳)   "駝手~腳."
(了夠)   "佢剛才~我一齊出去玩." (2010.6.25)
(沙夾)   "~熟狗頭."
"嘶"(逼)   "如果食得太'琴青' 就好容易會打~~." (2010.6.27)
(猛凳)/"鬆"   "~即係走人嘅意思."
吞"port"/"蛇王"   "~~係偷懶嘅意思." (疑似典故http://zhidao.baidu.com/question/79450945.html)
收皮/折埋/慳啲   "你咁嘅水平都話自己係專業? 你~~啦!"
撇脫   "陳奕迅,<打得火熱>歌詞:我不怕爱上你与你打得火熱. 像这般亲热谁又需要~~." (2010.7.18)
"何車"   "一個要買一個要賣,一拍即合,啱曬~~."
(打錫)"更"   "你睇實呢個衰仔啊,千祈咪俾佢~~啊!"
(2010.7.19)

粵語好多語氣助詞...平時講出口唔覺得有乜嘢,但如果喺電腦上面打,又真係的確覺得有啲怪怪雞雞咁...好多句子如果用普通話,可能唔需要咁多甚至唔需要語氣助詞.但用粵語就可能會講出一堆....但仔細品味真啲,又似乎真係可以表達出一啲同普通話唔同嘅,好微妙嘅差異.
"你點解咁快到嘅?" "我都係啱啱嚟到咋嘛."----"嘅?" "咋嘛."
"個會改咗聽日啊嘛." "唔係啊嘛?!"/"唔係掛?!" ----"啊嘛." "啊嘛?" "掛?"
"你件衫好靚啵!" "梗係啦! 成千銀噶啵!"  ----"啵!" "噶啵!"
"你真係成舊番薯咁." "乜我係咁噶咩?" ----"咁." "噶咩?"
"呢個咩世界嚟噶?" "係咁噶啦." ----"嚟噶?" "噶啦."
"佢都好大貪嗟!" "乜你凈係覺得佢大貪咋咩?" ----"嗟!" "咋咩?"
"哇乜你啲菜賣到咁貴噶?" "阿嬸,我一斤先賣一蚊咋啵! 仲嗌貴?" ----"咋啵!"
"阿茂呢?" "佢唔係已經過咗去你嗰度啦咩?" ----"啦咩?"
"叫我去韶關採樣?! 唔好啦掛!" ----"啦掛!"
"今晚好無聊..." "我見你聽緊歌喔..." "聽歌就唔無聊得噶啦咩?" ----"喔" "噶啦咩?"
"點解會咁嘅? 唔係咁嘅/噶!" ----"嘅?" "嘅!" "噶!"
"學生助理都係學生咋啊嘛?" ----"咋啊嘛?"
"公用電腦咪就係俾人用噶咯! 唔通公用電話又唔俾人用啦喔?!" ----"噶咯!" "啦喔?!" (2010.6.4)

轉帖一篇,部份粵語正字.
http://blog.sina.com.cn/s/blog_65c55c370100ik2g.html?retcode=0
除咗"細孥"之外,其他我都好似冇乜慾望去矯正...

前段時間,廣東電臺搞咗一個"名嘴嘴對嘴"
http://www.fm993.com.cn/fm993/news/html/201056194621.htm
然後入面提到一首佢哋自己"創作" 嘅歌叫<色锡食瓜果菜牛腩面>,話呢首歌包含咗粵語九個音調.
然後我百度咗一下,粵語九音調
http://zhidao.baidu.com/question/118424924.html
原字:色 錫 食 瓜 果 菜 牛 腩 面
調值:詩 試 事 詩 史 試 時 市 事 (如有謬誤歡迎糾正)
前三個字嘅調值同另外三個係相同,但係因為收尾嘅時候頓挫感有唔同,所以被分開成獨立嘅三個音調.
p.s:陳sir 話,廣州人要講好廣州音.我一直諗一個問題,究竟我哋應唔應該正字正音? 因為語言,包括文字,其實都係一種習慣而已,而習慣可以改變.如果唔阻礙大家溝通,似乎唔正字正音都冇所謂.但,剛才仔細一諗...其實語言文字唔單止係溝通工具,而且仲係一種文化載體.如果我哋唔正字正音,咁某啲文化就會伴隨載體嘅謬誤偏頗而不知不覺咁流失.所以,都係提倡正字正音好.不過我哋能力有限,好多時候根本唔知道正字正音係點,亦唔知道去邊度考究.唯有盡力.正音可能相對比較容易,因為可以隨時糾正.但正字,因為好多時候根本搵唔到,打唔出嚟(當然書寫另計,但有幾何書寫粵語?),或者打出嚟人哋睇唔明,所以,我覺得喺心入面有正字嘅意識同認識就好,唔需要逼自己用正字.(2010.5.22)

 

此文不斷更新.
本文非學術討論,純屬獵奇拾趣.如有謬誤歡迎指正.謝絕敲打.

  评论这张
 
阅读(360)| 评论(7)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017