注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

小談廣州係咪一個包容嘅城市  

2010-04-14 21:25:14|  分类: 嘶啞的聲音 |  标签: |举报 |字号 订阅

  下载LOFTER 我的照片书  |

哩個係前兩日<今日最新聞>今日最爭議嘅話題.

大道理我唔識講,我凈係識得問問題,同埋有嗰句講嗰句.

包容? 係咩意思? 我自己見解加上搵網絡辭典解釋,覺得包容包括兩個方面嘅意思:1)包含對自己有利或無害嘅事物;2)對於自己有害嘅事物表現寬容.

包含對自己好嘅事物哩點我覺得冇乜問題.我相信每一種文化都有哩種自覺性.而要包含對自己無害嘅事物,就唔一定每一種文化都做得到.其他地方,其他文化,其他嘢我唔知道,我凈係知道:
1)廣州方言,其實唔係廣州本地發明.我相信兩千年前嘅廣州人講嘅話同我哋依家唔係好拉更.我哋依家嘅廣州話係古漢語演化過嚟.好諷刺嘅係依家某啲人卻要"維護正統",剷除粵語.仲有,如果細心考究,會發現我哋講嘅好多俗語,俚語其實並非廣州本土出產,而係來自珠三角,甚至更廣泛嘅兩廣地區.例如"拉咋"("邋遢"嘅意思),"yug"("食"嘅意思).
2)我阿爺唔係廣州人.我相信依家周街搵一個喺廣州土生土長嘅廣州仔女,問上三代冇幾多個都仲係廣州人.同樣好諷刺地,哩班人依家卻喺度死命撐緊廣州.
3)我哋依家食緊嘅所謂"廣州地道小吃",又有幾多真係廣州本地土產出嚟? 例如亁蒸,好多廣州人可能推薦外地朋友食廣州地道小吃嘅時候,都會想起哩樣嘢.但其實亁蒸(亦即係燒賣)係北方傳落嚟,喺廣州本土化然後發揚光大.
4)廣州人引以為傲又苦苦保存嘅騎樓,充滿咗濃濃嘅西洋氣息.

仲有好多,唔再一一說明.講咗哩幾點,係咪說明咗廣州有"包容他物" 嘅天性? 哩啲事物,喺未被接納之前可能睇唔出對廣州有乜好處.甚至,接納哩啲嘢可能仲有幾分無奈.但一旦被接納,就成為咗廣州不可分割嘅一部份.哩個難道唔係體現咗廣州嘅包容?

同埋我想講廣州不斷喺度改變世界.外面嘅世界亦不斷改變廣州.依家好熱嘅一個討論係"究竟廣州人點定義".我覺得哩個係一個好有趣嘅論題.但如果細心諗下覺得好難有結果.因為無論點定義,我哋都可以從自己身上搵到"我唔係廣州人" 嘅證據.因為廣州包容咗太多唔同身份唔同背景嘅人.廣州人最大特徵就係冇明顯特徵.如果係都要哩個問題得出一個答案,係咪有啲過於隔硬? 點解係都要話依家越來越少"廣州人" ? 點解唔可以寬容啲,嘗試將所有同廣州扯上關係嘅人都變成"廣州人" ? 講到哩度我諗起我嘅唯一一次上海旅遊.去到嗰度始終俾我一種感覺就係"我係遊客".或者廣州要避免哩種事情發生.

至於要寬容對自己有害嘅事情,哩個就更加要慎重.因為我哋根本好難界定何謂對廣州"有害".有啲偏激嘅人覺得普通話對廣州有害,外來工對廣州有害,但佢哋係咪真係就有害? 有人就捉住廣州人排斥普通話同外地人哩啲話廣州人其實唔係包容,衹係被(政府)迫包容.係唔係被迫都好,至少事實係廣州真係包容咗.而上面已經講過,廣州不斷被改變,不管積極定消極;同時廣州亦在改變被佢包含入嚟嘅事物.所有嘅爭拗同摩擦,其實都衹係一定時代背景下,一啲好實質嘅利益同文化衝突,而廣州包容嘅大方向唔應該有變.衹要唔好厚此薄彼,保證到公平,利益衝突解決咗;俾我哋空間,唔好強勢壓制,解決咗文化衝突,我相信大多數廣州人係衷心歡迎同願意包容哩啲外來事物.

講到消極被改變,就諗起好多人覺得中央喺度消滅緊廣東,廣州文化.哩樣嘢雖然我哋日日喺度講,亦眼見耳聞天天發生,但其實要話中央好積極咁推力消滅廣東本土文化仲係有啲牽強.仲有,點解我哋廣東人唔排斥西方文化反而排斥中原文化? 點解人哋會話我哋崇洋媚外? 哩個問題要好好諗下.我覺得,我哋唔可以靠排外嚟保護自身.而係要不斷反復去加強我哋自己對本土文化嘅依戀.同時吸收外面嘅嘢(就好似我哋對西方優秀文化咁),將佢哋變成廣州我哋自己嘅嘢.哩啲係咪先係真正嘅包容? 哩種包容嘅價值係咪要比我哋自詡廣州係一個"包容" 嘅城市,我哋係一群"包容" 嘅人來得更加高? 包容,係要做出嚟,唔係講出嚟.做出嚟,改變人哋對我哋嘅睇法.

其實講咗一大輪,我係希望所有廣東人,廣州人,"新廣州人",都放低浮躁嘅心態,好好咁思考下我哋應該點樣做,廣東,廣州未來嘅路點樣行.依家嘅社會唔單止浮躁,仲有一股戾氣.當全中國都對罵成風嘅時候,一向敢為人先,敢於改變嘅廣州人係咪應該冷靜落嚟,更加積極咁去面對面前嘅困局,以求以一個更加"廣州" 嘅態度去看待,更加"廣州" 嘅方法去解決?

  评论这张
 
阅读(52)| 评论(5)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017