注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

2009.3.25  

2009-03-25 16:04:44|  分类: 芝麻綠豆 |  标签: |举报 |字号 订阅

  下载LOFTER 我的照片书  |

今日好似突然多咗好多嘢咁.其實就祇係因為中大嘅考研分數線公布.其實公布就公布啦,都無乜嘢.因為之前基本上就已經有咗定論.但唔知點解,形勢清晰咗之後反而覺得條路好艱辛難行,甚至有啲拖沓...
之前都已經經歷過好多次希望,失望,希望,失望...但都從來無過半點覺得疲累嘅感覺.反而越嚟越興奮.我都覺得自己好反常,我本來就唔係一個中意挑戰嘅人.依家希望亦無消失,但就好無厘頭咁突然覺得有啲攰...
連續四五日,我晚晚都發一啲噩夢,或者一啲好似動作片咁嘅夢...結果晚晚都好緊張,瞓得唔好.第二朝又好早醒.以前都試過.壓力大嘅時候會.仲有一樣以前無嘅嘢就係胃痛.以前成日聽人講話壓力大會胃痛.我一直都唔多理解點解會咁...不過當自己試過之後先發現原來真係會咁,無端端就會胃痛.但日頭做嘢嘅時候其實一啲都唔覺得自己壓力好大.唔通已經習慣咗?
下一個轉折點可能係調劑開通嘅嗰一日,又或者係4月8號,中大公布複試名單嘅嗰一日.前者時間未知,後者稍嫌太遲.可能就係因為咁,形勢睇起身好似清晰咗,但其實係更加模糊...未知嘅依然未知(複試資格),又多咗樣要去緊張嘅嘢(申請調劑).就係咁.
我今日先發現調劑哩條路亦非我想象中咁平坦.要孤身遠行唔在講,而且發現對方嘅專業方向同我依家學嘅有些微出入.我唔再好似以前咁有信心通過複試.就算通過複試,亦唔再好似以前咁有信心將未來兩年讀好.總體嚟講,哩條路其實都幾模糊,唔係好確定.
而且,我除咗要關注哩邊調劑令自己唔掉隊,仲可能要喺兩邊作出選擇----即調劑定等待中大結果.我唔知道兩者可唔可以兼得.如果兩者祇能選一,咁就真係一個非常頭痛嘅問題.中大嘅可能性自然係低啦,但并非無可能;選擇調劑嘅機會大啲,但如果就咁要我放棄中大嘅可能性似乎又做唔到.我咨詢緊老師,未有答覆...所以依家真係可以理直氣壯咁話自己係迷茫緊...
最近個point都好似去曬複試同調劑度.但其實仲有好多其他嘢要做.無論複試抑或調劑,都肯定要複習專業課啦.一本厚厚嘅天氣學,未讀到幾頁...如果單靠以前嘅積累,我唔知道可以應付到幾多...無把握,所以依然要去翻睇.複習外仲有論文.其實我分配俾論文嘅時間已經相對較多.因為論文多數係編程,而編程嘅時候可以暫時忽略好多嘢...所以分配咁多時間俾論文覺得有啲奢侈...仲有搵工.咩工都要去關注一下,可以投嘅都投一下.但如果真係要我去當地睇環境,我係咪又真係有興趣有時間去呢?不過依家都唔理得咁多.如果依家唔撒網,以後就肯定唔會有"柳暗花明"嘅機會.其實依家一直仲有一個機會喺度等緊我,就係惠東.不過哩個選擇相當末位.而且要四月初回覆嘅話依家睇嚟無乜可能,基本可以忽略.

so...就係咁咯.真係羨慕我後面同斜後面嗰兩個....


  评论这张
 
阅读(11)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017