注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

2009.3.11  

2009-03-11 19:56:35|  分类: 芝麻綠豆 |  标签: |举报 |字号 订阅

  下载LOFTER 我的照片书  |

今日一早起身,例行公事咁查咗一次關注嘅網站睇下有無最新消息...搵食艱難啊~然後發郵件去聯繫啲有機會調劑嘅學校.點知未到中午就已經有三間回郵件話唔收...好在,仲有五六間可以等下.
發完郵件就開始做論文.剛剛開咗個頭,電話就響啦.依家對電話響特別敏感,證明機會嚟敲門啦.果然,係中華英才網嗰度有消息.下午3:00去德政北群面.特別強調唔好遲到....其實感覺都有少少愕然同手足無措...因為覺得有啲趕.我乜都無準備,連西裝都唔喺身邊.於是決定返屋企.嗰時已經差唔多10:30.
最黑仔係今日個肚仔仲有啲唔舒服...真係唔啱時候.於是11:00唔夠就走去食飯,食好少...然後走去打印簡歷.返到宿舍又好少有咁食咗喇叭.喇叭果然係喇叭...真係勁到無倫...一食完即刻無嘢出...跟住上百度去睇下間嘢嘅具體位置...然後將近12:00歸家...
翻歸途中個肚都有少少唔舒服...其實都幾掙扎,有幾次未走到地鐵站就想行翻轉頭.但唔知係乜嘢,驅動住我對腳不停咁向前行...個腦度成日都有個聲音話:"唔好翻轉頭啊,如果唔係以後實後悔噶~"於是就頂硬上...地鐵去到客村嘅時候個肚基本已經無乜嘢.
翻到屋企將近1:00,老豆煮埋我飯.但邊度食得落啊...
等到阿媽翻屋企已經將近2:00,馬上攞套西裝出嚟換衫.覺得自己嚴重唔適合著西裝.成個阿叔咁...行出街見到啲中學生覺得自己好老...
2:10左右出門,去基立下道等276.等到2:25先嚟,我幾乎想打的噶啦.上車,點知眨下眼就到咗...先區區兩個站...然後更搞笑嘅係,根本就唔需要搵嗰間嘢...因為一落車一回頭一抬頭就兜口兜面棟喺度...
入門嘅時候見到"衣冠不整恕不接待"...but...我見到周圍咁多人入面我著得最隆重...
入電梯,多人到啊...果然係白領...第一次叫人幫手gum..."10樓,謝謝"...
10樓,兜咗幾個彎,1002到咗.門口接待處有位姐姐仔.我話我嚟面試.佢話,面試係3:30......嗰時先2:40...填咗份簡歷,同埋自己帶嚟嘅簡歷一齊交翻俾姐姐仔.p.s.嗰位姐姐仔長短腳嘅...然後喺門口坐咗一陣就俾姐姐仔帶咗入一個會議室繼續等.都幾無聊...於是不停咁睇自己打印出嚟嘅英才網嘅公司介紹,出力去理解佢哋嘅企業理念.無果...
大概3:10左右,又一個人走咗入嚟.於是兩條友喺度吹水.佢係廣商嘅.主要都係講依家如何如何時勢艱難....
吹到3:40...終於入嚟叫我哋.一出去先發覺已經好多人喺度...大家一齊上咗11樓.見到真正做嘢嘅地方....幾百人坐喺電話前面sell業務...以後我就要做啲咁嘅嘢?
入到一個圓形會議室,啲人坐到tubtubhum...一共12個小朋友,1個HR,一個銷售經理,一個客戶總監.我旁邊坐嘅一個就係廣商嗰個,另一個係廣外嘅.都幾好傾.
一開始,循例介紹下自己啦.然後發現對面坐住嗰個都係中大嘅.不過完全無交流.
介紹完自己就開始情景討論.個情景係:我係一個可口可樂公司嘅員工,要運一車過咗期嘅麵包去銷毀(乜可口可樂公司有出麵包產品噶咩?...),途中遇到一班飢餓嘅難民.咁我應唔應該派啲麵包俾佢哋呢?最關鍵嘅係,有記者在場.記者會如實報道.要點樣保護公司形象.
於是大家開始無次序輪流發言.我嘅發言其實都幾具轉折性.因為前幾個都主張隱瞞食品過期嘅事實.而我就主張引導新聞報道方向.從我之後,幾乎每一個人都喺哩方面發揮.時間好似好局促,有幾個人唔止一次發言.有一兩個幾乎無機會講嘢.而我就凈係發表過一次.但自覺可謂意義重大.
討論完之後有條華農友半自薦咁做總結.我哋最吹得埋嗰三個一致認為佢嘅總結不怎麼樣.
然後就係三位阿head輪流提問.都幾波瀾不驚.就係中途有另一位廣商嘅被問到剛才討論佢覺得邊三個表現得最好,我有幸成為其中一個.不過我知道其實咁樣根本唔說明問題....
我比較靠後先被HR問到.佢話我係哩十二個人入面專業最特殊嘅....覺得自己有咩優勢同點解會揀個咁嘅專業.依家覺得我答後面嗰個問題好敗筆...我話我中意氣象哩行....之後佢仲問我點解填嘅最早翻工時間咁遲,我繼續敗筆...我話我考咗研....睇嚟就係因為哩兩嘢,我都無望噶啦.不過算啦,當係積累經驗啦.哩份工,除咗離屋企近外,其實都無邊樣啱我...
然後就到我哋問佢哋...繼續波瀾不驚...然後佢哋走咗去討論.我哋就繼續吹水.過咗十分鐘就走得.三個工作日內有消息.
我哋三個同另外一個華農女生順路一齊走咗去農講所搭地鐵...頗遠...
落到地鐵勁多人...因為已經6:00...收工時間...於是體驗咗回白領生活...
落車,同另外兩個人講要互相通報情況.
然後身水身汗咁歸家...

  评论这张
 
阅读(5)| 评论(4)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017