注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

2009.2.21  

2009-02-21 22:27:35|  分类: 芝麻綠豆 |  标签: |举报 |字号 订阅

  下载LOFTER 我的照片书  |

今日,有啲嘢要寫俾自己睇.

今日聽到一個對我非常不利嘅就業消息...真係好不利...聽到個消息之後咩心機都無曬...本來已經好窄嘅路依家更加黑暗啦...我已經做好準備半年之後有好大機會失業.而且以後都唔知道點算...好迷茫...
個消息係乜就唔方便透露啦...一般人應該都唔需要咁在乎.

我依家係一路嚼緊麵包一路打字...通常我唔開心嘅時候其中一樣會做嘅事情就係嚼麵包...
人生真係好似跨欄咁.不過個欄就一個比一個高...如果覺得高考已經好難過,咁就真係錯曬...考研更難...但點難,都唔夠就業咁難...依家就好似係啲時間一路推住我向懸崖邊走咁...個懸崖,就係7月...
一個月之前我可能更加怕嘅係無得留喺廣州工作.依家我係怕無嘢做...
今個寒假可能係我哩世人最後一個寒假.我幾乎每日都會諗明年今日我就唔會再喺屋企咁"他調",甚至可能唔會再喺廣州...日日喺屋企都睇到新聞講就業講經濟,真係幾惡頂...本來我仲有一絲希望,因為我哋專業圈子比較細,相對受保護程度比較高.但係今日聽到嗰個消息就好似一嘢將我從保護圈度踢咗出嚟咁,要我獨自面對圈外嘅驚濤駭浪...
咁喺咁嘅情況下,我彷徨一下好似都好應該...
我依家基本上係完全無曬辦法,無曬指望.考研我已經當係買咗六合彩噶啦...又已經基本俾人踢咗出圈...走去考公,大概下場都係一樣...其實應該話喺邊度都係一樣,因為嗰個消息實在太不利啦...基本上可以講係將我歧視咗...或者已經有人估到我講乜噶啦...

咁我依家應該點做?可能有啲意外...我雖然好迷茫,好絕望...但我無被Knock out…我都唔知點解今次自己會咁堅強...
可能真係要多謝我寫喺手機主頁嘅嗰句"前方是絕路,希望在轉角".我耐唔耐就會好崇尚某一句話...但今次我好真切咁感受到哩句話嘅power...我絕望咗無耐就馬上諗到哩句嘢...
我覺得哩個時候唔係認輸嘅時候.路雖然更加窄,但依然有...窄,但我可以將佢行闊.祇要努力,祇要改變自己嘅定位.而且,我都唔係咁差嗟.
從今日起,要好好咁行每一步.唔可以亂,唔可以慌張,更唔可以懈怠.好似啲前輩咁,投100份,點都會有一份掛...就算無,我仲有路行.我可以增值自己.我可以接受培訓.機會總會青睞有準備嘅人...況且,我又係一個咁善於創造奇跡嘅人.路一直都在...
唔單祇要努力,仲要調節好心境...千祈唔可以氣餒.要多啲睇下自己依然擁有嘅嘢,要清楚自己擁有乜嘢.唔可以失去力量,唔可以輕言放棄.路再窄,總有盡頭,一定要支持住走落去.

我成日都會諗,如果俾我知道未來自己係點嘅狀態,咁好唔好?或者咁幾好...但如果知道曬咪無曬驚喜咯.所以,都係阿甘阿媽講得啱...
我屋企仲有好多朱古力,邊個想要?...

  评论这张
 
阅读(3)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017