注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

給十年前的自己的一封信  

2009-11-12 21:16:07|  分类: 舊歡如夢 |  标签: |举报 |字号 订阅

  下载LOFTER 我的照片书  |

13歲嘅我:

Hi ! 我係十年後嘅你啊.好高興可以寫信俾你,因為咁證明咗你起碼仲有十年命.How r u goin’?

十年之後你仲會留喺中國,仲會留喺廣州,仲係喺你依家住緊嘅地方住,仲係瞓緊你依家瞓嘅地方.你嘅學校唔會離爸爸媽媽好遠.或者你知道之後會覺得好開心.但我擔保你十年之後唔會咁諗.
同樣放心,你有大學讀,而且係中大,而且你仲有機會讀研究生添.我諗你應該都唔會覺得自己讀唔到大學掛,因為你成績實在太優秀啦.
係咪覺得自己居然咁幸運搖珠去咗六中呢?嗯,以後嘅好事情仲會陸續有來啊.你嘅未來會因為哩個幸運而徹底改變.

剛剛入學係咪覺得好唔習慣啊?唔緊要,我知道你已經認識咗三四個好朋友.未來三年你將會識得更多更多嘅好朋友.初一五班會變成一個非常團結嘅集體.你哋同學之間會彼此關照互相幫助.相信我,五班每一個都係好人,你要好好對佢哋啊!
我知道你其實心入面仲係掛住某個女仔.不過,忘記佢啦.我可以保證至少未來十年佢都唔會出現喺你眼前.不過唔使擔心喔.你將會遇到一個女仔,就係同你同班嘅呢~至於邊個我就唔講住啦,一切都要靠你自己發現.不過我肯定,當你發現咗佢嘅嗰一日一定會覺得少少驚訝,因為從你睇到哩封信之後一兩年內,佢都唔會引起你嘅注意.但一旦你發現咗佢,你就會發覺自己同佢嘅人生好似註定咗分唔開咁.不過,唔好誤會,佢唔係你未來嘅另一半,至少十年之後都冇咁嘅徵兆係.當然你會為佢瘋狂,但唔太耐,你就會放棄,因為有另外一個人會出現.而原來哩個女仔會成為你日後最好嘅異性朋友,都係嗰句,至少十年之後係...我保證,你會覺得非常痛苦,佢從來都冇同你喺埋一齊.哩個未來嘅最好朋友會為你帶來非常短暫但非常劇烈嘅痛楚.不過不得不承認,人生就係要經歷哩個階段.係咪好想知道哩個女仔係邊個呢?! 嘻嘻~保密! 俾啲提示你啊,我從來未見過佢唔戴眼鏡個樣噶!

我剛才咪提到"另外一個人"嘅?嗯,哩個就係第一個同你喺埋一齊嘅女仔.但佢衹同你喺埋一齊一年零兩個月就分開咗.佢係一個改變你一生,或者講起碼半生嘅人.自從佢之後,你會發現再冇其他女仔可以入你對眼.佢係咪好靚?係.至少十年之後都係.你同佢會有一個非常多故事嘅一年零兩個月.如果可以,我真係想話你知佢係邊個,然後等你去揾佢,然後早早咁喺佢身邊去關心佢,愛護佢.我仲想教育你唔好傷害佢,唔好令佢離開你...但係,我唔可以咁做,因為過去不能被改變.或者,你哋兩個係註定唔可以喺埋一齊.
哈! 所以,十年之後你已經有過初吻噶啦! 唔使驚冇人要! 不過亦唔好太過渴望喔,否則好容易做錯事噶~
你哋會有好多甜蜜,當然亦有好多酸楚.但你亦要有心理準備,佢會帶來非常巨大嘅痛苦,巨大且綿長...唔使驚,哩個同樣係人生必經嘅嘢.
嗯,仲有,佢唔係一個完美嘅女仔.

唔使心急,佢依家未出現,你要等多五年.俾個提示你,你同佢相識嗰日,月份同日期相同,而且仲係你一個好朋友嘅生日添.但你哋唔係喺生日派對上面認識.你哋係網上認識噶.多啲上下網,特別係六中嘅論壇啊聊天室啊咁.你以後好多朋友都會喺嗰度認識.哦係喔,唔記得咗你部電腦未上網添.唔緊要,等多一年就得.你以後最常用嘅網名會係...唔講住,到時你自己諗.網絡會成為你生活嘅大部份.你會接觸到好多嘢,例如QQ,MSN,Space,Twitter等等...仲有網遊,嗟網絡遊戲.你依家大概一樣都唔曉,不過唔使驚,十年之後所有嘢你都可以駕輕就熟.你十年內將會擁有三台台式電腦,一部手提電腦.
係咪玩緊單機遊戲呢?大航海時代4?哦或者未.但嚴重推薦你玩.因為十年後嘅今日,我依舊冇拋棄哩款遊戲.而仙劍十年之後亦會出到4.不過,始終超越唔到你玩緊嗰版.
唔好打咁多機啊,尤其係唔好打到咁夜,對身體唔好.發展多啲愛好.好似十年之後嘅我咁.咩攝影啊體育啊電影啊之類.哦講起體育,你或者會中意利物浦.不過哩支球隊唔爭氣,做佢fans真係勞氣...唔好放棄籃球.至於足球,你會係一個唔錯嘅守門員.但我知道你依家對足球冇乜興趣.至於咩乒乓波啊羽毛波咁,要識打.

十年之後你會變成一個專業人士,非常專業嘅專業人士.專業到你依家係想像唔到.你知道咩係"因子分析"麼?係咪好得人驚嘅一個名詞?唔怕,十年之後你handle佢簡直易如反掌,因為你係一個研究生.你從事嘅專業係大氣氣象,大氣環境等方面嘅研究.
你唔單衹係人才,而且仲非常獨立.哩個同樣係你依家想像唔到.多啲嘗試自己去處理事情,唔好下下指意阿爸阿媽.
當然,成長係有代價.十年之後你已經長大成人,會有好多煩惱.你學識思考,發現哩個世界其實並非之前想像咁美好.你會變得世故,懂得處理人際關係,做事學識圓滑.但其實哩啲都唔係壞事.衹要唔好做啲危害社會嘅事情就得.
我知道你就快進入叛逆期.唔好太過傷爸爸媽媽嘅心.我知道咁樣嘅要求有啲難,儘量啦.同埋,你要開始學習思考,開始學習認識哩個世界.儘管有時會覺得自己好幼稚,但唔怕,每一個人都有一個成長嘅過程.不過,亦都唔好覺得自己好了不起.仲記唔記得鄺老師同林老師嘅評語?戒驕戒躁.十年之後哩句話對於你仍然適用.
唔好太在意自己嘅頭髮,同埋唔好過度虛耗自己,要儘量健康生活.得閒就練下跨欄同跳高.>__-

十年之後爺爺嬤嬤公公婆婆都仲喺度.衹係嬤嬤已經中風臥床.你要好好孝順佢哋.其他各人都安好.婆婆依舊住喺香港.

唔需要擔心千年蟲,虛驚一場而已.
或者你唔知道美國世貿大廈喺邊度.不過兩年之後你一定知道,因為你會透過電視機親眼睇住佢哋冧.
中國將加入世貿組織,嗟世界貿易組織.而且北京將會舉辦2008年奧運會.
四年之後有一場疫病席捲全球.而你嘅學校對面就係抗疫一線.但唔需要驚,你會冇事.
2008年,即係中國舉辦奧運會嗰年,中國南方會遭遇雨雪災害.之後四川仲會發生大地震,死10萬人.
2008年底全世界會爆發金融危機.
Luckily,10年內中國都冇戰爭.

嗯...等我諗下仲有乜...哦,最重要一點,一定要儘量令自己覺得好似冇睇過哩封信咁,否則可能會改變歷史...

See U 10 years later~

?

Yours

十年後的你

2009.11.12


  评论这张
 
阅读(20)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017