注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

2009第一誌  

2009-01-07 09:44:11|  分类: 芝麻綠豆 |  标签: |举报 |字号 订阅

  下载LOFTER 我的照片书  |

2009第一次寫日誌.好似好耐無更新過空間...其實就係一個星期嘅事情.不過哩個星期我嘅人生無乜進展,基本空白.日日睇<<炊事班>>...更準確嚟講係一路播,然後我一路發偶竇.基本上哩個星期就係咁過.搞到依家變得非常白癡.白癡到乜都做唔到,包括更新空間同畫畫...喺考試之前幾日仲係咁嘅狀態,睇嚟真係無曬希望.
哩幾日甚至連手機都俾我忽略咗.我已經差唔多一個星期無收過有point嘅短信...所謂"有point",嗟指嚟自某啲人嘅短信.因為無曬冀望,所以連手機校成"Silence"都無所謂,而且根本無動力將佢校翻過嚟.
刻意去調整作息時間.結果係,僅有嘅可以堅持嘅幾日,一早起身就開始發偶竇,因為完全唔想做嘢.然後發到一定時候就開始變白癡...睇新聞,對電視入面一幕幕熟視無睹.開住電視或者電腦播NBA,然後開始魂遊.中午以後到晚黑瞓覺,基本上都係<<炊事班>>+<<武林>>+空當接龍+薑糖+發偶竇.當然晚黑要食飯.哩個星期全部係自己煮,而且基本上千篇一律西洋菜+臘腸+腐乳...繼續白癡.
哩個星期基本上係一片空白,好似生活喺繭入面咁.無思想,無行動,無情感.可能前期仲會有,不過後來漸漸喪失咗.
前兩日偶然俾某啲嘢提醒咗:"要玩.""玩"哩個字的確刺激到我嘅神經.不過玩乜?於是又變翻白癡.
可能選擇咁早返屋企係一個錯誤.不過無所謂啦,到哩個時候想有所謂都唔得.

人生經常會有十字路口.
我嘅第一個大十字路口係小學升初中.結果個天幫我做咗選擇,去咗六中.
第二個係高考.我自己嘅努力+身邊某人=中大.
依家大學畢業係第三個.今次唔係十字路口,係"米"字...你話點死...好似條條都係路,但其實就條條都唔係.而且今次都唔知道搵邊個幫我好.屋企人基本上唔理噶啦,又無老師輔導,身邊又無個人陪住.無支點無力點,得重點.等死.所以其實就係一條路.

今日居然主動去睇2009年屬虎同獅子座嘅運程.綜合起嚟講大概就係:紅鸞星動,事業運頗順.貌似都幾呃人.不過我肯定寧願信啦.到年底睇下準咗幾多.
其實就算全部唔準,都算係某意義上嘅準...

  评论这张
 
阅读(13)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017