注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

2009.1.31  

2009-01-31 01:09:39|  分类: 芝麻綠豆 |  标签: |举报 |字号 订阅

  下载LOFTER 我的照片书  |

諗唔到標題嘅時候寫日期真係一個好辦法.

首先要說明,寫以下內容同依家係深夜有相當大關係.

今晚我先發覺原來自己都係怕孤獨.
細細個啲大人,特別係我阿爺,就好怕我一個人喺屋企,話怕我自閉.事實上我細個的確比較內向...可以唔講嘢就唔講嘢,可以唔出街就唔出街.有時仲自己關埋自己喺房度打機或者發藕竇.但我一直都覺得自己幾享受一個人嘅時間.
以前細個唔識揀亦都無得揀,所以爸媽去邊就要跟到去邊.後來大個咗就識得講大話,借頭借路唔出街.再大啲乾脆就直接拒絕.通常令我覺得抗拒嘅都係一啲家庭聚會.最開始係抗拒出席一啲關係比較疏嘅親戚聚會;後來慢慢變得越來越"親".到依家,就連過阿爺屋企我都懶得去.以前以為咁樣祇係因為人懶.依家覺得唔係,講到尾都係唔想對住啲人做太多表情.直接啲講就係對佢哋唔多夠heart...
俾佢哋知道實好傷心.但無辦法,我的確係咁樣嘅一個人.
三不時都會有同學朋友聚會.我好怕去啲人多嘅聚會.但其實有時候唔係我唔想去.我自認為喺人哋面前嘅表現一向都唔差.不過就係喺眾人面前嘅信心好唔夠.就因為咁,我會覺得,多一事不如少一事,所以好多聚會我都會推咗.於是最後就人哋去精彩,自己就屈喺屋企.
以前一直都無覺得咁樣係一個咩問題.直至今晚先發覺原來自己咁樣一種想去又唔太敢去嘅心態唔多妥.原來自己都唔係一直都咁享受一個人嘅日子.我知道咁好唔啱,但我要承認,當我唔出席一個聚會嘅時候我希望我熟悉嘅人都唔好出席...當然我唔會表達出嚟.所以屈喺心入面都幾鬱悶.所以每逢有聚會前嘅幾日心情都唔多靚仔.
有時會想搵人傾偈.其實所謂嘅"人"喺某一段時間內嚟嚟去去都係嗰幾個,其他嘅都無心情去應付.於是就成日都主動搵啲話題搵嗰幾個人講啲亂七八糟嘅事情.有時講咗成半個鐘都無乜point.其實咁樣都祇係想排解下孤獨.
夜晚咁夜唔瞓,話就話係網絡強迫癥,但具體啲講,其實就係喺度等,等嗰特定嘅幾個人主動搵我講嘢...而且等等下都有啲失去理智...有理智都唔會為咗啲咁無厘頭嘅理由搞到咁夜都唔瞓啦.所以如果我見到嗰幾個人都落曬線,就自然而然都走去瞓覺.
其實我唔係話凈係想喺網絡上同人溝通,我都好想有人同我打電話.不過貌似喺哩個時勢咁樣嘅希望有啲奢侈.

又係講咗一大輪不知所云.一句講曬就係我其實有時都唔係咁enjoy一個人嘅時間.

瞓覺.夜瞓好辛苦....

  评论这张
 
阅读(7)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017