注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

聽說陳揚不獲續約  

2009-01-14 06:27:48|  分类: 嘶啞的聲音 |  标签: |举报 |字号 订阅

  下载LOFTER 我的照片书  |

係從我同學度聽翻嚟.佢話佢喺某廣東電視臺主持人嘅博客上面睇到哩個傳聞,上面仲力邀陳sir加盟廣東電視臺添.

不論真假,睇嚟今次肯定係出咗啲問題.

陳揚對廣州嘅影響喺巨大嘅.廣州有好多時評節目.而且其中不乏非常尖銳嘅一部份.但係要論影響力,陳揚同其帶領嘅G4記者團隊肯定首屈一指.咁樣可能係得益於陳揚嘅德高望重同喺民眾心目中早已形成嘅名氣.
而且,喺我睇嚟,陳揚已經發揮盡佢所可以發揮嘅影響力,為廣州做咗好多好多嘢.邊度強拆,邊度有灰暗地帶,邊度又有紛爭等等,都會見到G4嘅影子.仲有,佢帶頭嘅一啲活動或者行為,好似各種募捐,保護廣州方言,情意廣州,"保留廣州記憶"活動等等,都對新時代廣州人嘅生活方式,思想方式,行為方式產生咗好積極嘅影響.
喺廣州,可能最多人識嘅人就係陳揚.佢代表咗當代中國一種新嘅媒體角色,即媒體不單止要發聲,而且要發揮影響力帶領民眾行動起來.當然,哩個係中國特色.原因好多,最主要我覺得係中國政府某種行政能力嘅缺失.而媒體就帶領民眾補救咗.唔係正常,但喺當前形勢下有積極作用.唔深探.
陳sir其實係一個好有想法嘅"老憤青".不過喺當今形勢之下,不能不低頭.所以如果有人因為咁而去挑陳sir毛病,咁請佢要辯證咁去睇哩個問題.低頭,仲可以繼續發揮影響力.如果一直硬撐落去,佢唔會做到咁多對廣州咁有貢獻嘅嘢.就哩一點,我哋應該理解同感激陳sir.佢可以話係中國唔合作,要"折騰"嘅嗰部分人中嘅突出代表.而且係溫和嘅一端.佢哩種處理手法值得好好學習.相比起嗰啲日日衹會喺網上咆哮亂叫嘅"愛國青年"或者"憤怒青年",陳揚偉大得多.

中國總有那麼一小撮媒體人,堅守喺自己嘅崗位,職責,職業道德上.堅守喺媒體人應有嘅陣地上.陳揚係其中嘅佼佼者.如果陳揚今次真係遭到所謂封殺.佢算係被壓下去啦.不過,一個陳揚倒下去,仲有千千萬萬個"陳揚"站起來.
我係堅持辯證唯物史觀嘅.我相信歷史的確係由人民群眾創造.陳揚們衹係被時代推到前頭.佢哋身後,係一股新生涌動嘅力量,一股不可逆轉嘅浪潮.中國某部分人嘅某些思維意識已經開始覺醒.一旦覺醒,就不可阻擋.
誠然,陳揚遭到打壓係廣州乃至中國媒體一個好大嘅損失.廣州從此少咗一把響亮嘅聲音.雖然G4會繼續,但係無咗主心骨,聲音唔可能再如以前咁有力.但係我哋應該睇到,陳揚,乃至"陳揚們"留落嚟嘅,存在於千千萬萬廣州街坊頭腦中嘅珍貴"遺產".特別係佢哋對新一代廣州人嘅教育,引導同表率作用不可忽視.廣州嘅未來,會因為有佢哋曾經嘅存在而變得更有希望.

我堅信,陳sir唔會消失喺我哋嘅視線中.佢喺不久嘅將來一定會以某一種方式再次登上舞臺.祇係,到時佢係一個咩角色,就難講啦...
我講過,我為廣州失去陳揚而感到悲哀.但我絕對為陳sir感到高興.佢一直話做電視非常攰,佢好唔中意.如果今次真係要佢退落嚟,我衷心祝福佢日後嘅生活過得安逸寫意.如果再做< /><咁最好...又或者開住佢自己部車周遊全國...佢曾經喺< /><度用咗一晚時間講佢開住車喺內蒙古草原飛馳嘅往事.

最後,to 陳sir:你話你要一直做,做到我結婚生仔.今日睇嚟,哩個目標好難達到啦...有我嘅問題有你嘅問題.所以,我就放過你啦!哈哈!無論點,你都要好好過生活啊!

?

P1150237 (圖中無我...如果有人對哩張圖有意見可以同我講,我再處理...)

ps:剛才我想去搜陳揚嘅圖.發覺無合適...
ps2:然後去睇下有無關於佢嘅新聞,發覺一條都無...網頁一搜,全部都係大家都知道嘅"傳言"...莫非真係遭封殺?

  评论这张
 
阅读(18)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017