注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

一個人的狂歡

 
 
 

日志

 
 

未觀而感  

2008-11-02 21:30:50|  分类: 嘶啞的聲音 |  标签: |举报 |字号 订阅

  下载LOFTER 我的照片书  |

今次可能係我第一次用粵語喺哩度寫日誌.
因為消息唔靈通,我直到今日下午準備動身返學校之前先知道李瑞然老伯嘅廣州回憶影展.其實我可以早兩三日就去睇...可惜.
我衹能夠盡自己最大努力,盡可能讓更多人知道有哩一回事.陳sir號召全民動起來保留廣州集體回憶,我亦衹能夠盡哩一點點綿薄之力.
我之前睇G4嘅剪輯,先知道有哩一回事.李老嘅事跡俾我嘅第一感覺係感到欣慰.欣慰嘅係李老嘅心血無白費;欣慰嘅係有關方面已經重視哩個問題;欣慰原來仲有好多廣州人,特別係後生仔女關心我哋嘅城市,關心我哋城市嘅歷史,一磚一瓦,一草一木.

我曾經無數次問過自己,究竟係為咗乜,要咁執著去為"舊廣州"操哩份心?或者到依家我都未俾到自己明確嘅答案.我衹覺得,無論係邊度,聽到話拆,就算係我未去過,甚至未聽過嗰個地方,唔知道嗰個地方有啲乜,我都會覺得好似俾人喺自己身上割一弗肉落嚟咁.我好怕有一日,昔日嘅廣州會徹底從地圖上消失,取而代之嘅係一個我哋攞住地圖都睇唔明嘅廣州;我好怕以後,"廣州人"會成為過去.
廣州不停咁俾世界改變,亦不停咁改變世界.但我堅信,廣州人嘅核心精神並無改變.務實,隨和,開放,包容.不過,如果我哋任由意識逐漸模糊,咁或者真係會有一日,我哋會忘記自己曾經係點樣.

唔知道自己點樣嚟,就唔會知道自己要去邊度.無歷史積淀嘅城市係輕浮,無根嘅.廣州城要聞名於世,絕唔單單靠經濟力量,更加唔係靠咩世界第一高(當然我無反對任何嘢).廣州需要有自己嘅名片,要有自己嘅形象.如果將所有歷史所有文化都抹去,仲何來"廣州"?我哋不如改過第個名好過啦.點解唔考慮下叫做"C國G省A1號城"?

有時講到廣州會比較激動.

陳sir俾人話地方主義.唔好意思,所有愛廣州嘅廣州人都係"地方主義".但點解啲人話廣州地方主義嘅時候,唔諗下,中國歷史上第一個對外開放嘅通商口岸係邊度?點解唔諗下我哋包容咗幾多外來人同外來文化?我哋嘅包容甚至已經讓人懷疑廣州根本無自己嘅地方特色.
我剛上大學嘅時候發現好難向外地同學介紹廣州.然後某啲人就以此貶低廣州.
現在我要很鄭重的說一句:"所有曾經貶低廣州的人,你們應該感謝我當時以一個典型廣州人的胸襟包容了你們的無禮."
依家我已經唔再在乎佢哋話廣州無特產,無"正宗",無好玩,話廣州話係"鳥語".廣州無特產,係因為廣州吸納咗好多外來事物,結果係有好多廣州特色嘅"外產",你哋就以為廣州無;廣州無"正宗",的確無,廣州衹有傳統,並無正宗,咁表現咗廣州嘅隨和;廣州無好玩,咁係因為你哋參透唔到廣州嘅隨和氣質,喺你哋啲外來人眼中,以為廣州嘅隨和就係平庸,自然就搵唔出廣州嘅不平凡;廣州話係"鳥語",說明我哋同你哋係有區別,我哋以此感到慶幸.

廣州唔係無缺點,而且仲唔少.但我哋懂得從善如流,見賢思齊.

過去,無數廣州人一筆一筆咁繪畫出廣州燦爛嘅歷史畫卷.如今,喺時候輪到我哋為廣州書寫新嘅歷史.廣州新一頁,新回憶,就喺我哋新廣州人嘅手中.廣州人,回望過去,放眼未來.

該講嘅都講完啦.

我係廣州人!我愛廣州!zyp20070329gz002

?

歡迎聯繫QQ:33594700

  评论这张
 
阅读(3)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017